Fyndni..

Ég ætlaði að fara að sofa fyrir 2 tímum en get ekki sofnað..Svo ég ákvað að varpa fram smá hugleiðingu hér..því ég hef mikið velt fyrir mér, frá því að ég kom hingað til Danmerkur hvernig það yrði að eiga öll samskipti á öðru tungumáli.
Þá er ég ekki að meina því ég er að læra nýtt tungumál, heldur því ég hef mikið hugsað um hvernig húmorinn minn muni þróast.
Það er öðruvísi að vera fyndinn á ensku. Hvað þá dönsku?? Ég átti frekar erfitt með það fyrstu dagana, ég held að ég hafi virkilega hlegið minna en venjulega sökum þess að ég kunni ekki að vera fyndin á öðru tungumáli..no just making a joke there..nej, jeg griner bara..þetta er svo kjánalegt finnst mér. Jú en svo hlaut stundin að renna upp því sl.fimmtudag var ég með vinkonum mínum uppi á herbergi að sötra smá bjór og þá byrjuðum við að grínast og viti menn, húmorinn kom bara yfir mig, svona líka á öðru tungumáli. Þá hló ég mikið, af þeim og sjálfri mér--ég er mikið á móti frasanum: heimskur hlær að sjálfs fyndni!

Annars er þessi færsla tileinkuð Höllu Þórlaugu þar sem að stúlkan bað um myndir. Því miður er ég ekki með myndavél og þess vegna hef ég ekki verið dugleg í þeim bransanum en ég er með nokkrar myndir frá föstudagskvöldinu


Karen,, Javanna og ég

"krúið" Karen,Josefine,Javanna,Rosa og ég


Okkur hafði verið gefið það verkefni fyrir föstudaginn að gera eitthvað fallegt fyrir hitt kynið. Drengirnir höfðu skipulagt hengimann þar sem þeir skrifuðu stafina á bringuna á sér(eins og sést) og þegar við giskuðum á rétt orð kom þessi bakki fram af fríum skotum fyrir okkur stúlkurnar.


Hengimaður..

Búin að syngja lögin tvö, sáttar með frammistöðuna! ég og Anna

(ég þarf að finna svona slang til að enda allar færslur, eitthvað kjánalegt eins og: Þar til næst.. eða L8ER eða Með puttann á púlsinum!)

Easy like a sunday morning. .

Í dag er vika frá því að ég kom hingað! Mér finnst eins og ég hafi verið hér í nokkrar vikur, ef ekki mánuði! Vikan er búin að vera mjög ljúf og góð, herbergisfélagi minn lyktar enn illa, en ég keypti ilmkerti fyrir herbergið mitt, svo það ætti nú að hjálpa eitthvað til.
Vikan einkenndist af söngæfingum, ég fór í trommutíma, kór, ratleik um Silkeborg..(mitt lið vann, auðvitað) og margt fleira! Ég er komin í nokkurs konar "krú" núna, við erum fimm stelpur, fjórar danskar og svo ég. Vonandi að ég læri dönsku af þeim þar sem allt hérna fer fram á ensku! Sem mér finnst vera frekar mikill ókostur, en ekkert að gera í því. Ég er búin að gera samkomulag við stelpurnar og eftir einhvern tíma ætla þær bara að tala dönsku við mig! Huggulegt það, já!
Ásamt aðalfaginu okkar fáum við að velja eitt aukafag og þar valdi ég fag sem heitir interculture, þetta er nokkurs konar félagsfræði þar sem við skoðum mismunandi menningarfélög, siði og venjur. Við erum reyndar ekki búin að fá listann yfir aukafög svo ég veit ekki hvort ég fái að vera í þessu fagi. Við áttum líka að skipta okkur í svokallaða Studentgroups. Það eru hópar sem halda félagslífinu gangandi, einn hópur sem sér um að taka myndir, skrifa um liðna atburði o.fl, einn hópurinn sér um öll tæknimál þegar það kemur að tónleikum, partýjum og slíkum viðburðum.
Ég fór í hóp sem heitir café group og þar er ég að skipuleggja partýin, sem eru aðra hvora helgi. Við eigum að sjá um að velja þema, fá einhverja í skólanum til að koma fram, sjá um að kaupa inn áfengi og vera á barnum og byggja upp stemngingu fyrir partýin með plakötum og slíku. Næsta partý er þarnæstu helgi og við erum strax byrjuð að brainstorma fyrir þema!
Fyrsta partýið var núna sl. föstudag. Þemað var gala og allir voru uppdressaðir, kennararnir þjónuðu okkur og tóku á móti okkur með kampavíni og snittum. Kvöldið byrjaði klukkan sex, en þar sem að tónlistardeildin var með atriði um kvöldið vorum við í soundchecki til kl.17.10 og ég hafði þar af leiðandi nánast engan tíma til að taka mig til. En ég mætti á réttum tíma, við fengum gúrm mat og ég dansaði eins og vitleysingur! Atriðið gekk mjög vel og eftir það var dansað fram á rauða nótt, og bókstaflega rauða nótt. Ég held ég hafi verið að dansa stanslaust í 6 tíma, án þess að setjast níður, því við stelpurnar fórum ekki í bæinn eins og sumir heldur vorum hér frá 18.00 og röltum ekki yfir í hina bygginguna, þar sem herbergin okkar eru fyrr en kl.07.00 um morguninn!
Daginn eftir vöknuðum við mishress, fórum saman í súpermarkaðinn og keyptum snakk og tilheyrandi. Síðan settum við upp myndvarpa í einum salnum, komum með fullt af dýnum og sængum og höfðum Star Wars maraþon. Mögulega mesti letidagur lífs míns, en allt of huggulegur! Ég ákvað að vera heima í gær og fór snemma í  háttinn, nú er ég nýkomin úr brunch og mín bíður ljúfur sunnudagur!

http://www.youtube.com/watch?v=Z8ZeBog2yFM

Komin!

Þá er ég loksins mætt í skólann!
En ferðalagið byrjaði fyrir löngu..auðvitað slasaði ég mig  fyrir ferðina svo nú er ég með teygjusokk um höndina og get varla notað hana. Bíllinn var rafmagnslaus svo við þurftum að fá leigubíl til að gefa okkur start sem tók dágóðan tíma, ég hélt ég myndi ærast þann morgun, skrautleg byrjun. Á flugvellinum biðu Íris og Sunna mín, við hittum Ingunni og Höllu Þórlaugu og kvöddum þær.
Flugið var ágætt, með okkur um borð var erlendur fangi sem hafði verið vísað úr landi og þýska handboltaliðið, ágætt það! Við þremeningarnir (sunna,sara og íris) snæddum saman á flugvellinum og tókum svo lestina samferða áleiðis, Íris kvaddi okkur þó snemma en við Sunna lentum í "skemmtilegum" samræðum við danskt ljóðskáld sem hafði samið ljóð um Ísland. Þetta byrjaði allt mjög spennandi en síðan fór félaginn að röfla um sögu Danmerkur við mig og þá misstum við alveg þolinmæðina. Hann gaf Sunnu ljóðið um Ísland en mér þetta ljóð sem hann las upp svo dramatískt fyrir mig...njótið..
Please forward:
The paper flowers that I left for her.

They had been collected in my garden
when I walked
biked (athugið snilldina að hann setti þetta orð í næstu línu..stíllinn er út allt ljóðið...lol)
or (kúl)
took the train or aeroplane.

They had many colours
and(hér er áhersla)
a lot of origins.

Ég nenni því miður ekki að skrifa allt ljóðið, en svona er þefurinn af þessu.
Já ég kom svo í skólann, fór beint upp í herbergið mitt. Herbergi númer 5, á fyrstu hæð og þar hitti ég herbergisfélann minn. Hún heitir Sidsel og er frá Danmörku. Hún er málglöð, opin og ægilega ljúf stúlka en eitt angrar mig og það er hversu illa stúlkan lyktar, ég vissi að ég myndi lenda í einhverju svona, en ég er dugleg að opna gluggann svo þetta kemur ekkert að sök..eða mun venjast. Ég sofnaði snemma og vaknaði eldhress morguninn eftir, fyrsta skóladaginn.
Morgunmatur er alltaf milli 8-8.45 og fyrsti tími byrjar 9. Dagurinn byrjaði svo á samsöng á stóra sviðinu og við sungum saman Stevie Wonder. Ég fékk strax góða tilfinningu fyrir skólanum! Því næst fór ég í aðalfagið mitt, sem er söngur og við byrjuðum á lagi sem við munum flytja nk.föstudag á opnunarhátíð skólans. Þar sem að við erum 7 söngvarar í námi núna var smá vesen að skipta þessu á milli okkar, en það hófst að lokum. Lagið heitir still a friend of mine- http://www.youtube.com/watch?v=WlpQMvHoFCk mikið feelgood lag og við röddum viðlagið og svona snilld. Það eina sem ég syng þarna ein er: And after all the tears are gone, Do we have the heart to carry on?.. fallegt haa? Fyrsti dagurinn fór að mestu í þetta lag og svona nokkrar vandræðalegar samræður við fólkið hér í skólanum. Ég fór líka snemma að sofa þá vegna þess að ég nennti ekki niður að spjalla við fólk, ég var búin að vera að því allan daginn svo ég ákvað að verða félagsskítur það kvöld.
Dagurinn í dag hefur verið mun fjölbreyttari! Við fórum í fitness og jóga í morgun, algjör snilld að fá hreyfingu, ég gat samt ekki gert allar æfingarnar út af hendinni minni, haha. Aðalfagið tók þá við og nú erum við að æfa nýtt lag sem heitir So I got the groove, við sýnum það líka nk.föstudag-  http://www.youtube.com/watch?v=s6Ua9trBnrg&feature=related við útsettum þetta örlítið öðruvísi en þetta er stemningin. Næst var hádegismatur og svo kór! Tímarnir hérna eru svo skemmtilegir og við erum að læra svo margt spënnandi, til dæmis fékk ég að læra smá á trommur í dag, ekki lítið gaman!
Ég kynntist líka fleira fólki í dag, nokkrum á dansbrautinni og tónlistarbrautinni, mjög indælar stelpur, hef góða tilfinningu fyrir þessu!
En nú er ég uppi á herbergi, kvöldmatur eftir einn og hálfan tíma. Spurning að skella sér í bæinn og skoða Silkeborg...
Ég sakna ykkar allra!
-Sara
Enda á einu af lögunum sem við sungum í kór
:http://www.youtube.com/watch?v=6bdfQyWaS14